Dioivo é un proxecto cooperativo, aberto, baseado na vontade dun grupo de xornalistas de recuperarmos a palabra e botala a andar. Aquí contámosvos a nosa filosofía e o xeito de participardes na nosa revista/asociación. Coñecede ademais o noso consello de redacción e quen colabora connosco.
No Dioivo queremos saber como funciona este mundo raro no que vivimos. Os nosos afoutos colaboradores cóntannos que acontece nos máis afastados recunchos do espazo, do tempo e do pensamento."Estamos catro gatos para toda Galicia"
- Detalles
- Categoría: Primeira Plana
- Publicado o Sábado, 31 Marzo 2012 18:24
- Escrito por Marga Tojo
Nivel 1 de alerta no corazón do parque natural das Fragas do Eume, comesto polo lume, derrubado símbolo natural entre as chamas. Un mínimo de oitocentas hectáreas convertiranse en cinzas. As casas do concello coruñés da Capela tamén se viron en perigo.
O incendio prendeu sobre as 15.16 horas deste sábado e permanece activo. Na extinción, segundo indicaron fontes municipais a Europa Press, traballan un técnico, tres axentes forestales, tres brigadas, dous motobombas, cinco helicópteros e un avión.
Pero, abondan estes medios? O brigadista Javier Estévez (@javisilleda) escribe no twitter: "#ardegalicia e o seu símbolo natural, mentres a @Xunta non fai nada, estamos 4 gatos para toda Galicia. #Feijóo culpable do desastre ecolóxico". E continúa: "O bosque xa está perdido, oxalá non perdamos máis vidas coa lacra dos #incendioGalicia", "isto é un desastre, só a chuvia pode parar a destrucción #SOSFragasDoEume" ou "Que coño ten a xente na puta cabeza!!! #ardegalicia".
O nivel 1 refírese, segundo recorda a Xunta, a aqueles lumes que estando baixo o control dos medios de extinción, poidan pola súa evolución requirir da posta en práctica de medidas para a protección das persoas non relacionadas coa extinción e dos bens distintos dos de natureza forestal que se poidan ver ameazados polo lume.
FOTOGRAFÍA: César Galdo @eirexado
Dioivo na rede