Dioivo é un proxecto cooperativo, aberto, baseado na vontade dun grupo de xornalistas de recuperarmos a palabra e botala a andar. Aquí contámosvos a nosa filosofía e o xeito de participardes na nosa revista/asociación. Coñecede ademais o noso consello de redacción e quen colabora connosco.
No Dioivo queremos saber como funciona este mundo raro no que vivimos. Os nosos afoutos colaboradores cóntannos que acontece nos máis afastados recunchos do espazo, do tempo e do pensamento.Bermejo resucita ao Celta
- Detalles
- Categoría: Fútbol
- Publicado o Martes, 23 Abril 2013 06:34
- Escrito por Miguel Fernández
Cando o Celta viaxaba cara as tebras do máis alá da Primeira División unha aparición do cántabro Mario Bermejo no minuto 93 devolvía a luz a un equipo que se manexa entre a ansiedade que provoca a loita pola permenecia. A vitoria contra o Zaragoza por 2-1 coloca aos vigueses fóra da derradeira posición da táboa, que agora será para os aragoneses, e reparte algo de xustiza a un equipo que a semana pasada perdía en Mallorca no mesmo minuto de partido.
O Dépor segue as recomendacións de Arias Cañete e dáse unha ducha de auga fría ante o Athletic (1-1)
- Detalles
- Categoría: Fútbol
- Publicado o Domingo, 21 Abril 2013 19:21
- Escrito por Carlos Meixide
O Dépor decidiu seguir esta semana os consellos do ministro Arias Cañete e pegouse unha ducha de auga fría logo de catro semanas de quentura. Sería para aforrar enerxías, porque a imaxe do equipo de Fernando Vázquez distou moito da dos últimos partidos. Por iso o puntiño (1-1) inda sabe ben, porque o Athletic foi superior e ofreceu máis fútbol en Riazor.
Un Dépor eufórico suma a cuarta vitoria seguida cunha goleada
- Detalles
- Categoría: Fútbol
- Publicado o Sábado, 13 Abril 2013 18:45
- Escrito por Carlos Meixide
É difícil non se deixar levar pola euforia ao falar deste Deportivo, que nolo cambiaron, que dá xenio velo. Chegou Fernando Vázquez e obrou a miragre: catro vitorias seguidas (0-4 hoxe en Valencia ante o Levante), doce puntos (os mesmos que Oltra en dezasete xornadas) e sobre todo esa sensación de que si, efectivamente pódese. Non en balde, o Dépor respirará por fin vintecatro horas fóra dos postos de descenso, á espera de que o Barcelona non entregue o seu compromiso ante o Real Zaragoza.
Unha cabezada de Oubiña frea ao Barça
- Detalles
- Categoría: Fútbol
- Publicado o Sábado, 30 Marzo 2013 21:07
- Escrito por Miguel Fernández
É sabido que Oubiña ten a cabeza para poñer orde táctica no seu equipo e para dar cordura no vestiario cando se precisa. Desde agora pode contarlle aos seus netos que un día en Balaídos conseguiu empatar un partido rematando coa cabeza cando ninguén daba un peso polo Celta fronte ao mellor FC Barcelona da historia. Todo iso aconteceu cando faltando tan só dous minutos o capitán do equipo vigués viu saír das botas do chileno Orellana un centro que viña que nin pintado para converterse no heroe da tarde.
Ás portas do inferno
- Detalles
- Categoría: Fútbol
- Publicado o Luns, 15 Abril 2013 22:31
- Escrito por Miguel Fernández
Agora si, o Celta está na verea que leva ao inferno. Escrito de xeito tráxico, o final do partido contra o Mallorca parece sentenzar a un equipo no que é difícil confiar. O gol de Giovani no minuto 93, o único do partido, chegou cando o equipo vigués daba por bo un empate sen goles. Un castigo duro, si, pero tamén merecido para un conxunto que anda absolutamente desnortado cando é o momento de ter a brúxula ben preparada para xogar nun treito de campionato onde non valen os conformismos.
Pois si, talvez se poida
- Detalles
- Categoría: Fútbol
- Publicado o Luns, 01 Abril 2013 12:28
- Escrito por Carlos Meixide
Pois si, talvez inda se pode. Non vou ser eu quen diga que xa o sabía, que só cumpría acreditar. Pero, en fin, ao final o derbi foi o estímulo que necesitaba o equipo para se espilir antes de que sexa demasiado tarde. Polo de agora, xa se conseguiu por vez primeira en toda a tempada enfiar dúas vitorias consecutivas (ante rivais directos) e a saída do túnel enxérgase preto logo de moitas semanas sen ver a luz. Cómpre, en todo caso, non se deixar levar pola euforia.
Iago Aspas, trending topic
- Detalles
- Categoría: Fútbol
- Publicado o Sábado, 16 Marzo 2013 01:42
- Escrito por Carlos Meixide
Se Iago Aspas quería ser protagonista do derbi conseguiuno, abofé. O dianteiro moañés perdeu hoxe gran parte do creto de magnífico futbolista que adquirira nesta súa primeira tempada na Primeira División cunha acción inexplicable, cando inda non se chegara á media hora de xogo, e que deixou vendido ao Celta nun partido crucial.
Dioivo na rede