Dioivo é un proxecto cooperativo, aberto, baseado na vontade dun grupo de xornalistas de recuperarmos a palabra e botala a andar. Aquí contámosvos a nosa filosofía e o xeito de participardes na nosa revista/asociación. Coñecede ademais o noso consello de redacción e quen colabora connosco.
No Dioivo queremos saber como funciona este mundo raro no que vivimos. Os nosos afoutos colaboradores cóntannos que acontece nos máis afastados recunchos do espazo, do tempo e do pensamento.O Deportivo da Coruña xa está en Primeira División
- Detalles
- Categoría: Fútbol
- Publicado o Domingo, 27 May 2012 21:23
- Escrito por DIOIVO
Ao final a festa puido celebrarse na casa. O Deportivo da Coruña regresa á Primeira División, logo da súa vitoria perante o Huesca. Un ano de espera e afouto combate futbolístico que tivo, desta volta, o mellor dos finais. Foi en Riazor, e arroupado o equipo por uns seareiros que, desde primeiras horas da tarde, converteron a cidade nunha maré de cor branquiazul, que desemboca desta hora no epicentro de todos os festexos do equipo herculino, a fonte de Catro Camiños. Un gol do balear Xisco foi o que puxo no marcador o 2-1 definitivo, que devolve os de Oltra á división de honra do fútbol español.
Foi un partido esforzado, rebordante de tensión nas bancadas e no campo, no que o Huesca se adiantou no marcador mercé a un gol de Antonio Núñez no minuto 32 do primeiro tempo. Foi logo de varias ocasións que non culminou o equipo local. A fortuna, malia todo, aliouse cos deportivistas e un gol en propia meta dos visitantes subía o empate ao marcador pouco antes de rematar o primeiro tempo.
Máis tentativas, comandadas por Riki e Bruno Gama, e por fin, no minuto 69 do encontro Xisco materializou o 2-1 que puxo ao Deportivo por diante. De aí ao final, máis de vinte minutos agónicos e de emoción que desembocaron na gran festa do fútbol, o arelado ascenso do Deportivo da Coruña á Primeira División.
Foto: o xogador do Depor Riki. E.P./Getty
Dioivo na rede