Dioivo é un proxecto cooperativo, aberto, baseado na vontade dun grupo de xornalistas de recuperarmos a palabra e botala a andar. Aquí contámosvos a nosa filosofía e o xeito de participardes na nosa revista/asociación. Coñecede ademais o noso consello de redacción e quen colabora connosco.
No Dioivo queremos saber como funciona este mundo raro no que vivimos. Os nosos afoutos colaboradores cóntannos que acontece nos máis afastados recunchos do espazo, do tempo e do pensamento.Pendentes da última xornada
- Detalles
- Categoría: Fútbol Sala
- Publicado o Luns, 07 May 2012 11:15
- Escrito por Senín Díaz
O Burela FS xogarase todo a unha carta no último partido de liga, onde ademáis de gañar, deberá esperar resultados alleos. Con todo, o equipo de Julio Delgado puido pasar o exame que lle faltaba, conseguir gañar a domicilio 3-5, e fixoo cun grande Juanma na pista do Maristas Valencia.
O equipo laranxa conseguiu impoñer o seu ritmo con solvencia e así aproveitar as súas oportunidades para poñerse xa por diante no primeiro minuto de xogo, cando Víctor López fixo o primeiro para o Burela (0-1, Víctor). O Burela buscou o partido, xa que non lle valía outro resultado que non fose a vitoria, pero o Valencia apertou por momentos a meta de Iago Barro, os de Julio Delgado fixeron un traballo defensivo excepcional durante todo o partido e só cederon o tanto do empate, obra de Borja, cando se levaban xogados 19 minutos. A primeira parte rematou con igualada no marcador.
O segundo tempo comezou cun Burela FS poderoso que anotou dous goles en dous minutos (22 e 23) por mediación de Christian e Juanma respectivamente. O capitán burelao colleu as rendas do equipo e tirou del nun partido clave para os laranxas. Con todo por xogar, no minuto 27 Sena conseguiu recurtar distancias no electrónico, así e todo, os mariñáns volveron marcar distancias no electrónico con dous tantos en pouco máis de catro minutos. O resultado final (3-5) deixa o Pescados Rubén en disposición de disputar o acceso ao play off polo ascenso, a falta dunha xornada para o remate da Liga regular, iso si, sempre dependendo doutros resultados, xa que hai cinco equipos que poden verse afectados no seu obxectivo de acadar o Play-Off. Estes equipos son o Martorell, Antequera, Ceuta, Andorra e Burela que é o que estaría agora fóra da promoción. Só hai dous puntos de diferenza entre o sétimo e o décimo primeiro, polo que a última xornada será de infarto para todos eles.
O vindeiro sábado, o Burela FS xógase parte das súas posibilidades en Vista Alegre, ante o Fuconsa Jaén. Será ás 18:00 horas, en horario unificado, e aí terán que conseguir a vitoria e esperar outros resultados, para que o Burela volte a xogar unha vez máis o play-off polo ascenso.
Dioivo na rede