Dioivo é un proxecto cooperativo, aberto, baseado na vontade dun grupo de xornalistas de recuperarmos a palabra e botala a andar. Aquí contámosvos a nosa filosofía e o xeito de participardes na nosa revista/asociación. Coñecede ademais o noso consello de redacción e quen colabora connosco.
No Dioivo queremos saber como funciona este mundo raro no que vivimos. Os nosos afoutos colaboradores cóntannos que acontece nos máis afastados recunchos do espazo, do tempo e do pensamento.Dioivo presenta o seu horóscopo entre crises e rescates
- Detalles
- Categoría: Ideas
- Publicado o Martes, 12 Xuño 2012 15:58
- Escrito por Otempodirá
O colectivo astrolóxico do Dioivo, que toma por nome Otempodirá, preséntanos a primeira edición do seu horóscopo que mes a mes axudará aos nosos lectores a prever o incerto futuro. Un horóscopo singular cos doce signos tradicionais mais un decimo terceiro, o Sepentario ou Ophiucus, que servirá de signo comodín para aqueles que non atopen satisfacción no seu signo propio. Toda unha iniciativa de vangarda para este tempo de crises e mentiras políticas que o Dioivo pon ao dispor dos seus indómitos usuarios.
Ferramenta Zine, novo espaço de pensamento
- Detalles
- Categoría: Ideas
- Publicado o Martes, 22 May 2012 12:21
- Escrito por DIOIVO
Sempre atentos á cena cultural do Além Minho, registamos no Dioivo o lançamento do fanzine Ferramenta Zine, um projecto de reflexão e debate comunitário nado em Viseu, que toma por princípios a liberdade, a autonomia e o espírito crítico e que quer abrir um novo espaço de intervenção social nesta época de crises e retóricas políticas vácuas. O Ferramenta Zine foi apresentado o 1º de Maio no Lugar do Capitão, emblemático local viseense com nutrida programação artística e cultural.
A Semana de Filosofía de Pontevedra achégase a Europa
- Detalles
- Categoría: Ideas
- Publicado o Domingo, 08 Abril 2012 15:03
- Escrito por DIOIVO
Europa será, desta volta, a coartada para recuncar nunha cita xa histórica para o pensamento galego. Mañá 9 de abril comeza en Pontevedra unha nova edición, a XXIX, da Semana Galega de Filosofía. Este ano cuestionarase o concepto de democracia europea, analizaranse os novos modos do poder e barallaranse as posibilidades de subsistencia do que algún tempo se chamou soberanía popular. Como novidade da presente edición, a Semana trasladarase xoves e venres á Coruña, onde en colaboración coa Fundación Paideia, terán lugar senllas conferencias, a cargo do galego Fermín Bouza Álvarez e do italiano Giacomo Marramao.
Dioivo na rede